 |
శ్రీమంతుడు సినిమా ఇండస్ట్రీలో హాట్ టాపిక్ గా మారిందని, రానున్న రోజుల్లో ఇలాంటి మెసేజ్ తో
కూడిన సినిమాలు మరిన్ని వచ్చే అవకాశాలున్నాయన్నారు దర్శకుడు కొరటాల శివ. శనివారం సతీసమేతంగా ఖమ్మం జిల్లాలోని భద్రాచలం, మోతె ఆలయాలను ఆయన సందర్శించారు. ఈ సందర్భంగా ప్రిన్స్ మహేశ్ బాబు అమ్మమ్మ ఊరికి సంబంధించిన సమాచారాన్ని వెల్లడించడంతోపాటు మహేశ్ బాబుకు ఓ విన్నపం కూడా చేశారు.
ప్రేక్షకులకు చక్కని ఆలోచన కలిగిస్తే తప్పకుండా అటువంటి సినిమాను ఆదరిస్తారు. ప్రతీ సినిమా శ్రీమంతుడులాగే ఉండాలని లేదు. దర్శకుడిగా శ్రీమంతుడు సినిమా మంచి సంతృప్తినిచ్చింది. కొత్త ప్రాజెక్టుకు చర్చలు ప్రారంభమయ్యాయి. ఇకపోతే.. హీరో మహేష్ బాబు అమ్మమ్మ స్వగ్రామం బూర్గంపాడు మండలం ముసలిమడుగు అని తెలుసుకున్నాక ఆశ్చర్యానికి లోనయ్యా. ఈ గ్రమాన్ని ఓ సారి సందర్శించాలని మహేష్ బాబుకు చెబుతా అని కొరటాల శివ అన్నారు
