టాలీవుడ్ స్టార్ హీరోలు ఇద్దరు పవన్ కళ్యాణ్, మహేష్ బాబు కలిస్తేనే పండగ.. మరి అదే వారి సినిమాలు బాక్సాఫీస్ వద్ద పోటీ పడితే... ఎలాగ ఉంటుంది. ఈ సమ్మర్ కి అదే జరగబోతుందా అని ఫిల్మ్ నగర్ వర్గాల గుసగుసలు. వీరిద్దరి సినిమాలు కేవలం ఆరు రోజుల గ్యాప్ తో సమ్మర్ కానుకగా విడుదల కానున్నాయి. దీంతో ఈ సమ్మర్ లో సినీ అభిమానులకు కనులవిందే అని చెప్పవచ్చు. పవన్ మరో సారి ఖాకీ డ్రెస్ వేసి సర్ధార్ గబ్బర్ సింగ్ గా అభిమానులను అలరించబోతున్నాడు. శరవేగంగా షూటింగ్ జరుపుకొంటున్న సర్ధార్ ను వేసవి కానుకగా విడుదల చేయనున్నారని చిత్ర యూనిట్ అనుకొంటున్నారు. తాజాగా అందుతొన్న సమాచారం ప్రకారం.. ఈ సినిమాను 2016 ఏప్రిల్ 15న రిలీజ్ చేయడానికి సన్నాహాలు చేస్తున్నారట. ఇక శ్రీమంతుడు వంటి బ్లాక్ బస్టర్ హిట్ అందుకొన్న మహేష్ ప్రస్తుతం బ్రహ్మోత్సవం సినిమా షూటింగ్ తో బిజీ బిజీ గా ఉన్నాడు. ఈ సినిమా కూడా వేసవి వినోదంగా 2016 ఏప్రిల్ 9న విడుదల చేయనున్నారు. కాగా ఈ రెండు సినిమాలు అనుకొన్నది అనుకొన్నట్లు జరిగితే.. కేవలం 6 రోజుల తేడాతో రిలీజ్ అయ్యి బాక్సాఫీస్ వద్ద పోటీ పడతాయి. ఇద్దరూ బాక్సాఫీస్ వద్ద పోటీ పడి వసూళ్ళ సునామీ సృష్టించగల హీరోలే... ఈ రెండు సినిమాల్లో కాజల్ కామన్ హీరోయిన్..
